Alt Saasterre.
Als esch 1933 koem in de Scholl
kri-esch esch als Lehrer Kuhle Will.
Dä koom ut Saasterre direck.
Dänne Schöll hodde se jrad toojemäck.

De Pute die ut Saasterre koeme
wore all janz joot jeronne.
Die, tesame met Mongshoof,
e besongisch Trüppke joov.

De Maar do noch jröön Water hot.
Hüt is do dat Water fott.
Opel on die Wietschaff op de Eck
is hüt wal och för immer weg.

Nit blos e paar decke Buure
do fröher schon mem Auto fuhre,
wo meeschtens doch met Peäd on Ware
wuet do noch op et Fääl jefahre.

Esch hann als Kengk em Tal jespillt,
wat doo och joot tesaame hilt.
Saasterre, dat woer wiet weg.
Doo hant de Köh noch Dreck jemäck.

Doch dat Dörp is jruet jewuerde.
Vom Jesangverein ma immer huerde;
och von die jruete Paasch för Kruut.
So och Saasterre von Ockirke ut.

En nö-e Stroot koem noch dobee.
Do wonnt hüt Hotvollee.
Wat ma och von doo vertällt,
dat Volk wie Katzeplack tesame hält.

Et Inzije, wat doo hüt stüert,
send de Autos, die man immer hüert.
Wenn dat doch enz jeängisch wüet!

Dieter Coenen